"Манчестер Юнайтед" "Бавария"нинг икки ҳимоячисини трансфер қилиш бўйича келишувга эришди.
Журналист Флориан Плеттенберг хабарига кўра, "манкунианликлар" ўнг қанот ҳимоячиси Нуссер Мазрауи ва марказий ҳимоячи Маттейс де Лигтнинг трансферини расмийлаштиришган.
Манба берган маълумотларга кўра, де Лигтнинг трансфери "МЮ"га 45 миллион еврога тушади, аммо бонусларни ҳисобга олсак, нарх яна 10 миллионга ошиши мумкин.
Мазрауига келсак, марокашлик футболчи «Манчестер Юнайтед»га 15 миллион еврога тушади, бироқ шартномада 5 миллион евро бонуслар ҳам бор.