Жоан Гампер кубоги баҳсида "Барселона" "Монако"дан мағлуб бўлди (0:3). Монаколиклар танаффусдан сўнг рақиб дарвозасига жавобсиз учта гол уриб, йиллик турнир мезбонларини мағлуб этишди.
Бу "блауграна"нинг 2012 йилдан бери Жоан Гампер кубогидаги илк мағлубиятидир. Бундан ташқари, каталонияликлар 1981 йилдан бери биринчи марта бирорта ҳам гол ура олишмади, шу билан бирга уч ва ундан кўп марта тўп ўтказиб юборишди.
43 йил олдин Германиянинг "Кёлн" клубидан шунга ўхшаш мағлубиятга учрашганди - 0:4. "Барселона" Жоан Гампер кубогини 46 марта қўлга киритган.
Охирги 30 йил ичида жамоа бор-йўғи тўрт марта – 2005, 2009, 2012 ва 2024 йилларда турнирда ғалаба қозона олмаган.
