Туриннинг "Ювентус" клуби ўз сафига А Серия ярим ҳимоячисини қўшиб олишга жуда яқин турибди.
La Gazzetta dello Sport нашри хабарига кўра, яқинда олиб борилган музокаралар "кекса синьора"га "Аталанта"дан Тён Копмейнерснинг трансфери бўйича келишувга эришишга ёрдам берган.
Нидерландиялик ярим ҳимоячи яқинда чоршанба куни бўлиб ўтадиган УЕФА Суперкубоги учун "Аталанта" жамоасида иштирок этмади. Копмейнерс тез орада "кекса синьора" билан шартнома имзолашни кутмоқда.
"Ювентус" 50 миллион евро + 5 миллион бонусга келишиб олишга яқин турибди. 26 ёшли Копмейнерс ўтган мавсум Италия А Сериясида 12 та гол урди ва 5 та голли узатмани амалга оширди.
