"Тоттенхэм" ярим ҳимоячиси Ив Бисума АПЛнинг янги мавсумидаги илк учрашувида жамоасига ёрдам бермайди. Футболчи вақтинчалик дисквалификация қилинди. Бу ҳақда The Athletic нашри хабар бермоқда.
Ҳаммаси Биссума ҳаво шаридан маст қилувчи газдан нафас олаётгани акс этган видеони эълон қилганидан бошланди. Шундан сўнг 27 ёшли футболчи узр сўради, аммо бу етарли бўлмагандек туюлди. Бунинг сабаби, Буюк Британияда бунадай газ ёки NOS C синфидаги дори сифатида таснифланади ва 2023 йилдан бошлаб ундан кўнгилочар мақсадларда фойдаланиш жиноий ҳуқуқбузарлик бўлиб, максимал икки йиллик қамоқ жазосини ўз ичига олади.
"Тоттенхэм" тергов олиб бормоқда ва Ив Биссума 19 август куни АПЛ доирасида "Лестер"га қарши ўйинни ўтказиб юборади.
