"Манчестер Юнайтед" бош мураббийи Эрик тен Хаг "манкунианликлар"нинг 1:0 ҳисобидаги минимал ғалабаси билан якунланган Лондоннинг "Фулхэм" клубига қарши ўйинда қанот ҳимоячиси Нуссаир Мазрауининг ўйинига изоҳ берди.
"Мазрауи? У мен уни кўришга ўргангандек ўйнади. Нуссаир ажойиб ҳимоячи, тўп билан жуда яхши муомала қилади. Қачонки у 100 фоиз тайёр бўлса, Мазрауи анча яхши бўлиши мумкин" - деди Тен Хаг матбуот анжуманида.
Эслатиб ўтамиз, Мазрауи "МЮ"нинг "Фулхэм"га қарши ўйинда асосий таркибида майдонга тушганди. "Манкунианликлар" марокашлик футболчининг трансфери учун "Бавария"га 10 миллион евро тўлаган.
