"Manchester Yunayted" bosh murabbiyi Erik ten Xag "mankunianliklar"ning 1:0 hisobidagi minimal g‘alabasi bilan yakunlangan Londonning "Fulxem" klubiga qarshi o‘yinda qanot himoyachisi Nussair Mazrauining o‘yiniga izoh berdi.
"Mazraui? U men uni ko‘rishga o‘rgangandek o‘ynadi. Nussair ajoyib himoyachi, to‘p bilan juda yaxshi muomala qiladi. Qachonki u 100 foiz tayyor bo‘lsa, Mazraui ancha yaxshi bo‘lishi mumkin" - dedi Ten Xag matbuot anjumanida.
Eslatib o‘tamiz, Mazraui "MYU"ning "Fulxem"ga qarshi o‘yinda asosiy tarkibida maydonga tushgandi. "Mankunianliklar" marokashlik futbolchining transferi uchun "Bavariya"ga 10 million yevro to‘lagan.
