«Барселона» ва Лиссабоннинг «Спортинг» клублари ҳужумчи Витор Роке борасида музокараларни давом эттирмоқда.

«Блауграна» бразилиялик футболчини трансфер ойнаси ёпилгунига қадар сотишга қарор қилди, аммо кафолатланган тўловлар сифатида 30 миллион евро талаб қилмоқда - айнан мана шу футболчини «Атлетико Паранаэнсе»дан сотиб олиш харажатларини «қоплаш» учун зарур, деб хабар беради "Barca Universal". «Спортинг» камроқ таклиф қилмоқда - 20 миллион евро ва бонуслар.

Бошқа манбаларга эътибор қаратсак, Витор Рокени «Барселона» 40 миллион еврога сотиб олган. Эслатиб ўтамиз, 19 ёшли форвард шу йилнинг январь ойида Каталония клубига ўтган эди.