ОЧЛ 5-туридан ўрин олган «Ал-Иттифоқ» ва «Пахтакор» жамоалари учрашуви олидидан мезбонлар бош мураббийи Масиеж Скорца ўз фикрларини билдириб ўтди.

«Чемпионлар лигасини яхши бошлай олмадик, лекин ўтган турда вазиятни ўзгартиришга эришдик. Бизни ушбу мавсумдаги энг муҳим беллашув кутиб турибди. Ўйинга шундай таъриф беришим мумкин. «Пахтакор» яхши шаклланган жамоа. Уларнинг таркибида бир қатор тезкор ва техник жиҳатдан юқори савияда ҳаракат қиладиган футболчилар мавжуд. Бизнинг вазифа эса баҳсда ғалаба қозониш бўлади».

«Ҳозирча бирор футболчини аниқ ўйнамайди дея олмайман, лекин Замил Сулим ҳамда Султон Барганда кичик жароҳат бор. Уларнинг майдонга тушиш имконияти бор. Агар Барган ўйнамайдиган бўлса, зарур ўзгаришларни амалга оширишимга тўғри келади. Чунки у жамоадаги муҳим ўйинчилардан биридир. Ҳимоя ва ҳужумни боғлайдиган футболчиларнинг яхшироқ ҳаракат қилишларини таъминлаш лозим. Чунки рақибимиз ҳар бир хатодан фойдаланиб қолиши мумкин».

«Ўйиндаги ҳар бир ҳолатга тайёргарлик олиб боряпмиз, шунга яраша режалар бор. Лекин имкони борича ўзимиз гол уришга интиламиз. «Пахтакор» хавфли рақиб. Улар жисмоний ва тактик жиҳатдан жуда кучли. Шу билан бирга мен шогирдларимга ишонаман. Улар эртага бизга зарур ғалабани тақдим этишади деб умид қиламан», дейди Скорца.