Марказий ҳимоячи Милан Шкриньяр "ПСЖ" сафида ўйнашда давом этади.
Ёз бошидан буён матбуотда Париж клубининг словакиялик футболчини сотиш нияти ҳақида фаол гаплар кетмоқда - у Луис Энрикенинг ўйин услубига унчалик тўғри келмайди, деб ҳисобланмоқда. Журналист Фабрис Хокинснинг хабар беришича, 29 ёшли футболчи жорий трансфер ойнасида "ПСЖ"ни тарк этмайди. Лига 1 гранди марказий ҳимоячи учун ҳеч қандай аниқ таклиф олмади. "Интер"нинг собиқ футболчисининг ўзи ҳам Парижда қолмоқчи.
Милан Шкриньяр сўнгги мавсумда "ПСЖ" сафида 32 ўйин ўтказиб, битта гол урган. Футболчининг амалдаги шартномаси 2028 йилнинг ёзига қадар мўлжалланган.
