"Челси" вингери Рахим Стерлинг "Челси"ни тарк этиб, бошқа Лондон клубига ўтиши мумкин.
"Кўклар" бош мураббийи Энцо Мареска 29 ёшли футболчини таркибда кўрмаяпти. Клуб аллақачон Стерлингни тезроқ сотиш устида ишламоқда. Evening Standard хабарига кўра, "Кристал Пэлас" Англия терма жамоаси собиқ футболчисига даъвогарлар қаторига қўшилган. "Бургутлар" жорий трансфер ойнаси ёпилгунга қадар тўрт карра АПЛ ғолиби билан шартнома имзолаш имкониятини ўрганмоқда.
Аввалроқ Рахим Стерлингга "Астон Вилла" қизиқиш билдираётган эди. Transfermarkt маълумотларига кўра, "Манчестер Сити"нинг собиқ юлдузи 35 миллион евро туради.
