"Лестер Сити" бош мураббийи Стив Купер фахрий ҳужумчи Жейми Вардининг жамоа учун аҳамияти ҳақида гапирди.
37 ёшли футболчининг голи “тулкилар”га АПЛ 1-турида “Тоттенхэм”га қарши ўйинда (1:1) мағлубиятдан қутулиб қолишга ёрдам берди.
“Жейми мендан унчалик мақтовга муҳтож эмас. Биз учун Вардини ёшини ҳисобга олиб, ўйинларга тайёр туриш муҳим ҳисобланади.
Ўйинчилар ёши улғайган сари ўз таналарини тинглашни ўрганадилар.
Биз Жеймини оптимал ҳолатда майдонга туширишимиз керак. У ўйнашни ва машғулот ўтказишни яхши кўради", - деди Купер шанба куни бўлиб ўтадиган АПЛ 2-турида "Фулхэм"га қарши ўйин олдидан.
