Энцо Мареска Михаил Мудрикнинг хатолари ва уларнинг сабаблари ҳақида гапирди.
"Челси" бош мураббийи Конференциялар лигаси плей-офф босқичида "Серветт" устидан қозонилган ғалабадан (2:0) сўнг 23 ёшли украиналик футболчининг ўйини ҳақида гапирди.
"Мудрикнинг жамоамизда ҳам яхши, ҳам ёмон дамлари бўлган. Агар у янада барқарор футболчига айланса, олдинга қадам ташлаши мумкин.
Биз бунга ёрдам беришга ҳаракат қиламиз. Ҳужум зонасида тўпни қабул қилганда тўғри қарор қабул қилиши керак.
Михаилнинг хатолари асосан қарорларни танлаш билан боғлиқ. Умид қиламанки, биз унга ёрдам бера оламиз ва у ўз ўйинини яхшилайди", - деди Мареска.
