Франциялик вингер Кингсли Коман "Бавария"да қолишни режалаштирмаяпти, дея хабар бермоқда Lequipe нашри.
Манбанинг хабарига кўра, немис гранди бошлиқлари футболчини бошқа клубга қўйиб юборишга тайёр. 28 ёшли футболчи қаерда бўлиши ҳақида ҳозирча аниқ маълумот йўқ. Команга даъвогарлар орасида "ПСЖ", "Барселона" ва "Фенербахче" клублари бор.
Германия чемпионатида ўтган мавсумда Коман "Бавария" таркибида 17 та ўйинда майдонга тушди. Ярим ҳимоячи учта гол урди ва учта голли узатмани амалга оширди. Франциялик футболчининг шартномаси 2027 йилнинг ёзига қадар мўлжалланган, унинг бозордаги нархи 50 миллион еврони ташкил қилади.
