«Рубин» Россия кубоги гуруҳ босқичининг 3-тури доирасидаги ўйинда «Факел»ни сафарда мағлуб этди – 2:0.
Ўйиннинг 41-дақиқасида Даниил Кузнецов ҳисобни очди. 84-дақиқада Дардан Шабанхажай қозонликларнинг иккинчи голини урди.
Воронеждаги стадиондаги ўйин бошида "свет" тўсатдан ўчиб қолди, бироқ бир неча сониядан сўнг муаммолар бартараф этилди.
«Рубин» сафида икки нафар ҳамюртимиз Рустам Ашурматов ва Умарали Раҳмоналиев асосий таркибда майдонга тушиб, тўлиқ 90 дақиқа ҳаракат қилишди.
«Рубин» 6 очко билан «D» гуруҳида иккинчи ўринни эгаллади ва «Факел» уч ўйинда бирорта ҳам очко ололмади ва турнир жадвалида охирги ўринда қолди.
