Вингер Кингсли Коман яқин кунларда "Бавария"ни тарк этиши мумкин. Франциялик футболчининг "Ал-Ҳилол"га ўтишга розилиги ҳақида маълумот пайдо бўлди, аммо 28 ёшли футболчининг агенти бу маълумотни рад этди.
Daily Mail нашри хабарига кўра, Команга "Арсенал" қизиқиш билдирмоқда. Лондонликлар маош борасида “Ал-Ҳилол” билан рақобатлашишга тайёр эмаслар, аммо футболчига юқори савияда яхши лойиҳа таклиф қилишлари мумкин.
Қайд этилишича, "Арсенал" бош мураббийи Микель Артета ҳужум чизиғида рақобатни кучайтирмоқчи. Олдинроқ миш-мишлар Кингсли Команни Премьер-лиганинг яна бир топ клуби - "Ливерпуль" билан боғлаган эди. Франциялик футболчини Transfermarkt 50 миллион еврога баҳоламоқда.
