Франция терма жамоаси Миллатлар лигасидаги навбатдаги ўйинида сўнгги Европа чемпионатида омадсизликка учраган Италия терма жамоаси билан ўйнаши керак бўлади. Бироқ Франция терма жамоаси бош мураббийи Дидье Дешамнинг фикрича, Италия терма жамоаси дунёнинг энг яхшиларидан бири бўлиб қолмоқда.
«Италия терма жамоасининг Евродаги ўйинларини кўп кўрмадим. Ҳа, улар эрта турнирдан чиқиб кетишди. Энди мен сўнгги ўйинларни таҳлил қиламан. Қийинчиликларга қарамай, улар ажойиб жамоа бўлиб қолмоқда ва мен Лучано Спаллеттини жуда ҳурмат қиламан», - дея Дешам сўзларини келтиради "L'Equipe".
Франция ва Италия терма жамоалари ўртасидаги учрашув 6 сентябрь куни бўлиб ўтади.
