"Бешиктош" ярим ҳимоячиси Бахтиёр Зайнутдинов Туркия жамоасини тарк этиши мумкин.
HT Spor хабарига кўра, "Бешиктош"нинг янги бош мураббийи Жованни ван Бронкхорст янги мавсумда Қозоғистон терма жамоаси футболчисига ишонмайди ва раҳбариятдан унга янги клуб топишни сўраган.
Янги мавсумда 26 ёшли Зайнутдинов бирор марта ҳам майдонга тушмади. Ўтган мавсумда футболчи барча турнирларда 42 та ўйинда қатнашиб, иккита гол ва битта голли узатмани амалга оширган. Футболчининг клуб билан амалдаги меҳнат шартномаси 2027 йилнинг ёзига қадар амал қилади.
Transfermarkt порталида берилган маълумотларга кўра, Зайнутдиновнинг бозор қиймати 5 миллион еврони ташкил қилади.
