"Арсенал" бош мураббийи Микел Артета "Брайтон"га қарши ўйин ҳақидаги таассуротлари билан ўртоқлашди. Учрашув дуранг билан якунланди - 1:1.
"Бу жуда ҳиссиётли кун эди, шубҳасиз. Биз ўйинни жуда яхши бошладик ва уч-тўртта вазият яратдикки, голга айлантира олмадик. Шундан сўнг бизда, айниқса, тўп билан боғлиқ муаммолар бўлди ва ўша пайтда бизга устунлик етишмади.
Ўшанда рақиб хатосидан унумли фойдаланган ҳолда жуда яхши гол урдик. Кейин танаффусга чиқдик, қайтиб келдик ва жуда ишончли ўйнадик.
Шундан сўнг ҳакам ўйиннинг боришини ўзгартирувчи қарор қабул қилди. Стадион бизни қўллаб-қувватлади ва биз бу ўйинда ғалаба қозонишимиз керак эди", - дея Артетанинг сўзларини келтирмоқда клуб расмий сайти.
