"Реал" ҳужумчиси Килиан Мбаппе Винисиус билан бирга ўйнаш ҳақида гапирди. У жамоадоши билан жуда омадли эканини таъкидлади.
Шу билан бирга, франциялик футболчи ҳали “Реал”да ўйнашга тўлиқ кўника олмагани ва шу боис баъзида жамоадошининг ҳаракатларини нотўғри тушуниши мумкинлигини яширмади.
"Одамлар мен ва Вини ҳақида гапиришади, бу нормал ҳолат, биз икки машҳур футболчимиз. Энди мен ундан, унинг ҳаракатларидан, майдонда нимани ёқтиришини ўрганишим керак. Биз ҳали ҳам майдонда бир-биримизни танияпмиз", - дея футболчининг сўзларидан иқтибос келтиради Managing Madrid сайти.
