Кеча Россия Премьер Лигаси 26-тури доирасида Москванинг "Локомотив"клуби “Ростов”ни 3:1 ҳисобида мағлубиятга учратди. Учрашувдан сўнг, Ўзбекистон миллий терма жамоаси ҳимояси Виталий Денисов ўз фикрлари билан ўртоқлашди.
"Тўғрисини айтсам, ҳозир сизлар билан гаплашишга ҳам кучим қолмади. Ўйинга тўҳталадиган бўлсам, учрашув жуда ҳам қийин кечди. Ушбу учрашувда бизга ғалаба жуда ҳам керак эди. Ўйлайманки, ушбу ғалаба бизга қўшимча куч беради. Мақсадимиз - кучли олтиликка кириш", -дейди Денисов.