"Манчестер Юнайтед" ярим ҳимоячиси Каземиро жамоани тарк этиш ниятида эмас.
Ёзги трансфер ойнасининг сўнгги кунларида "қизил иблислар" бразилиялик футболчи ўрнини эгаллаши кутилаётган "ПСЖ"дан ярим ҳимоячи Мануэль Угартени сотиб олди. Клуб Каземирони унга қизиқиш билдирган "Галатасарой"га қўйиб юборишга тайёр эди, аммо футболчининг ўзи бу келишувни маъқулламади. Журналист Крис Уилернинг ёзишича, 32 ёшли ярим ҳимоячи “Манчестер Юнайтед”да қолиб, жамоадаги ўрин учун курашишга аҳд қилган – у Туркиядан келган таклифларни кўриб чиқмайди.
Эслатиб ўтамиз, Каземиро АПЛнинг энг кўп маош олувчи футболчиларидан бири ҳисобланади. У амалдаги шартномасига кўра ҳафтасига 375 минг фунт (тахминан 445 минг евро) маош олади.
