Ҳужумчи Муҳаммад Салоҳ жорий мавсум охирида “Ливерпул”ни тарк этиши мумкин. Мисрлик футболчининг “қизиллар” билан шартномаси 2025 йилнинг ёзида якунига етади.
Todofichajes нашри хабар беришича, инглиз клуби Салоҳга ўринбосар излай бошлаган. "Ливерпуль" "Реал" ва Бразилия терма жамоаси ҳужумчиси Родригога қизиқиш билдирмоқда. Футболчининг трансфер қиймати 110 миллион еврога баҳоланмоқда. Ҳужумчининг “Лос-Бланкос” билан тузган меҳнат шартномаси 2028 йилнинг июнь ойи охирида тугайди.
Олдинроқ матбуотда Родриго Килиан Мбаппе келгани сабабли "Реал"ни тарк этиши мумкинлиги ҳақида хабарлар тарқалган эди. Испания чемпионатининг жорий мавсумида бразилиялик футболчи тўртта ўйин ўтказиб, битта гол урди ва битта голли узатмани амалга оширди.
