Испания терма жамоаси сафида жаҳон ва Европа чемпиони Хуан Мата “Вест Сидней Уондерерс” жамоаси сафига қўшилди, — дея хабар бермоқда Австралия жамоаси матбуот хизмати.
Қайд этилишича, 36 ёшли футболчи билан шартнома бир мавсумга тузилган. Мата "Виссел Кобе" билан шартномаси тугаганидан кейин шу йилнинг феврал ойидан бери эркин агент бўлиб турибди.
Илгари испаниялик футболчи 2011/12 йилги мавсумда Чемпионлар лигасида ғолиб чиққан. "Галатасарой", "Манчестер Юнайтед" ва Лондоннинг "Челси" клубларида тўп тепган.
