Польша терма жамоаси ҳужумчиси Роберт Левандовски Шотландия билан сўнгги ўйинда алмаштирилгани ҳақида гапирди.
Миллатлар лигасининг 1-тур ўйини Польшанинг 3:2 ҳисобидаги ғалабаси билан якунланди. Левандовски жамоасининг асосий таркибида майдонга тушиб, гол урди ва голли узатмани амалга оширди ва 72-дақиқада майдонни тарк этди.
"Ўйин давомида ўзимни ноқулай ҳис қилдим, кейин оғриқ пайдо бўлди. Мени захирага олишларини сўрадим. Агар мен таваккал қилганимда, бундан ҳам баттар бўлиши мумкин эди", - деди Левандовски Barca Universal билан суҳбатда.
8 сентябрь куни Польша терма жамоаси сафарда Хорватия билан учрашади.
