"Барселона" Адриен Рабьога қизиқишда давом этмоқда.

29 ёшли франциялик ярим ҳимоячи "Ювентус"дан кетганидан кейин эркин агент ҳисобланади ва трансфер ойнаси ёпилгандан кейин шартнома имзоланиши мумкин.

"Барселона" Рабьони ярим ҳимоядаги муаммоларнинг ечими сифатида кўрмоқда - Гави, Марк Бернал ва Френки де Йонглар жароҳати сабаб майдонга туша олмайди. Бироқ, Адриеннинг онаси ва агенти Верониканинг юқори талаблари туфайли шартнома тузиш осон бўлмайди.

Рабьо томони йилига 10 миллион евро маош талаб қилмоқда. Шу сабабдан ҳам футболчи ҳалигача клубсиз қолмоқда.

"Барселона"га трансфер амалга ошиши учун футболчи маошини сезиларли даражада камайтириши керак. Шу билан бирга, у кичик миқдордаги товон пули билан қисқа муддатли шартнома имзолаши мумкин, шунда кейинги ёзда Адриен бошқа клубга қулайроқ шартларда ўтиши мумкин.

Каталонияликлар учун яна бир вариант - Рабьони юқори маош эвазига қўлга киритиш, аммо соғлиғи туфайли муҳим даврни ўтказиб юборадиган футболчи ўрнига уни таркибга киритиш. Агар Де Йонг жарроҳлик амалиётини талаб қилса, бу содир бўлиши мумкин.

Эслатиб ўтамиз, ёзда Рабьога "Милан", "Галатасарой", "Манчестер Юнайтед", "Бавария", "Интер", "Атлетико", "Реал" ва Саудиянинг "Ан-Наср" клублари қизиқиш билдирган эди. Бироқ футболчи билан ҳали ҳеч ким келишувга эриша олмади.