Италия терма жамоаси ўз мухлисларини французлар билан ўйиндаги ғалаба билан хурсанд қилди, бу ёзги Европа чемпионатидаги муваффақиятсиз ўйиндан кейин муҳим эди, унда италияликлар қитъанинг собиқ чемпиони сифатида нимчорак финалдаёқ турнирдан чиқиб кетганди. Ҳужумчи Жакомо Распадори Италия жамоасининг кечаги муваффақиятли натижаси ҳақида шундай деди:
- Ажойиб ғалаба, бундай ўйин мени доим қувонтиради. Франция каби жамоага қарши ғалаба қозониш эса ҳар доим ёқимли. Уларда ажойиб футболчилар кўп, аммо биз майдонда нима қилишимиз керак бўлса, шуни қила олдик. Бугун мен ўзимнинг севимли позициямда ўйнадим, ўша жойдан ўйинни яхшироқ ўқийман. Лекин, эҳтимол, баъзи хатолар бор эди. "Мен уларни таҳлил қиламан", дея Распадори сўзларини келтиради pianetamilan.it.
