Вьетнамда бўлиб ўтадиган Россия ва Таиланд терма жамоалари ўртасидаги ўйин катта эҳтимол билан тўфон сабаб қолдирилган. Бу ҳақда Thanh Nien нашри хабар бермоқда.
Ўйин 7 сентябрь куни "Ми Динь" стадионида (Ханой, Вьетнам) Тошкент вақти билан соат 18:00да бўлиб ўтиши керак эди.
Ханойда айни дамда кучли ёмғир ҳамда кучли шамол кузатилмоқда. Кечқурун об-ҳаво кучлироқ таъсир қилиши кутилмоқда ва шароитлар учрашувни ташкил этиш учун етарлича қулай эмас. Агар ёмғир жуда кучли бўлса, ташкилотчилар иккала жамоа билан биргаликда ўйинни 8 сентябрга кўчиришади.
