Vyetnamda bo‘lib o‘tadigan Rossiya va Tailand terma jamoalari o‘rtasidagi o‘yin katta ehtimol bilan to‘fon sabab qoldirilgan. Bu haqda Thanh Nien nashri xabar bermoqda.
O‘yin 7 sentyabr kuni "Mi Din" stadionida (Xanoy, Vyetnam) Toshkent vaqti bilan soat 18:00da bo‘lib o‘tishi kerak edi.
Xanoyda ayni damda kuchli yomg‘ir hamda kuchli shamol kuzatilmoqda. Kechqurun ob-havo kuchliroq ta’sir qilishi kutilmoqda va sharoitlar uchrashuvni tashkil etish uchun yetarlicha qulay emas. Agar yomg‘ir juda kuchli bo‘lsa, tashkilotchilar ikkala jamoa bilan birgalikda o‘yinni 8 sentyabrga ko‘chirishadi.
