"Манчестер Юнайтед" ҳимоячиси Маттейс де Лигтнинг айтишича, жамоа бош мураббийи Эрик тен Хаг унинг "МЮ"га ўтишида ҳал қилувчи омил бўлган.

"Ҳа, у жуда муҳим рол ўйнаган, чунки у мени жуда яхши билади ва мен уни жуда яхши биламан. У мени “Аякс” сардори қилди. Шунингдек, “Аякс”даги фаолиятим давомида у менга катта ишонч бағишлади, жамоа етакчиси бўлишга ҳаракат қилишим учун катта мотивация берди.

У ҳақиқатан ҳам талабчан. 

Ёзда "Юнайтед" мен учун келганида, мураббий ҳам, клуб ҳам мени хоҳлашди, шунинг учун мен Премьер-лигага ўтишга осонлик билан рози бўлдим.

Иккинчидан, мен “Манчестер Юнайтед”ни инглиз футболи тарихидаги энг катта клуб деб ҳисоблайман. Мен учун бу танловни қилиш осон эди", – деди Де Лигт.