Жорий мавсум якунига кўра АПЛнинг энг яхши футболчиси деб топилган «Тоттенҳем» ярим ҳимоячиси Гарет Бэйл совринни қўлга киритишида жамоасининг роли катта эканини таъкидлаб ўтди.
«Бу мен учун катта шараф. Ҳамкасблар орасида энг яхши бўлиш — жуда ажойиб. Жуда хурсандман.
Номзодлар орасида таниқли номларни кўриш мумкин эди, шунинг учун жамоа кўмагисиз бу совринни қўлга кирита олмас эдим. Йигитлар бу мавсумни ажойиб ўтказишди, бош мураббий ҳам албатта»,- дейди футболчи.