"Челси"нинг собиқ футболчиси Жон Оби Микель клуб ўтган ёзда Виктор Осимхен билан шартнома имзолаш арафасида бўлганини айтди.
Яқинда "Наполи" ҳужумчиси ижара асосида Туркиянинг "Галатасарой" клубига ўтди. Ёзнинг сўнгги кунларида нигериялик футболчи "Челси"га ўтиши мумкин эди, аммо "кўклар" у билан ҳамкорликнинг баъзи тафсилотлари бўйича келиша олишмади.
"Биз жуда яқин эдик - мен бемалол шундай деган бўлардим", дейди ўз ватандошининг "Челси"га ўтишини фаол равишда олға сураётган Оби Микель. "Биз шартномани тузишга бир неча соат қолган эдик. Аммо йўлимизда кичик муаммолар бор эди. Қолаверса, оз фурсат қолди.
Ўйлайманки, биз январда ёки ёзда яна бу вариантга қайтишимиз мумкин. Фақат кичик тафсилотларни ҳал қилиш керак", - деди таниқли собиқ ярим ҳимоячи Obi One подкастида.
