Косово терма жамоаси футболчилари Ариянет Мурич, Эдон Жегрова ва Флорент Муслия Миллатлар лигасининг иккинчи ўйини олдидан жамоани тарк этди, деб хабар бермоқда Express нашри.

Футболчилар терма жамоа қоидаларини бузгани учун муддатидан олдин уйларига жўнатилди, уларнинг барчасига нисбатан кейинги чоралар кўрилади. Муричнинг ўрнига "Дрита" дарвозабони Фатон Малоку жамоага қўшилади.

Ариянетнинг ўзи ҳам воқеага изоҳ бериб ўтган ва футболчиларга нисбатан қабул қилинган қарор мутлақо адолатсиз бўлганини, тарқалаётган миш-мишлар эса умуман ҳақиқатга тўғри келмаслигини таъкидлаган.

6 сентябрь куни Косово Руминияга мағлуб бўлди (0:3), 9 сентябрь куни эса Кипр терма жамоасини мағлуб этди (4:0).