Каталониянинг “Барселона” клуби бош мураббийи Ханс-Дитер Флик август ойида Испания чемпионатининг энг яхши мураббийи деб топилди. Squawka хабарига кўра, у тарихда ушбу совринни қўлга киритган биринчи немис мутахассиси бўлди.

Илгари ҳеч бир немис мураббийи Ла Лигада ойнинг энг яхши мураббийи совринини олмаганди. Флик 2024/2025 йилги мавсум бошланишидан олдин Каталония гранди бошқарувини қабул қилиб олди.

У "Барселона"да испаниялик Хави Эрнандесни алмаштирди. Немис мураббийи бошчилигида "блауграна" Ла Лигани қаторасига тўртта ғалаба билан бошлади ва турнир жадвалида биринчи ўринда бормоқда.