Аргентина терма жамоаси дарвозабони Эмилиано Мартинес Колумбияга қарши ЖЧ-2026 саралаш ўйинидан кейин операторнинг камерасига зарба бергани учун дисквалификация қилиниши мумкин. Бу ҳақда canalrcn.com нашри хабар берди.
Аргентина терма жамоаси 1:2 ҳисобида мағлуб бўлди. Учрашувдан сўнг оператор Эмилиано Мартинесга яқинлашди ва дарвозабон камерага зарба берди. Қайд этилишича, ўйин ҳаками бўлмаган шахсга қилинган ҳужум учун камида учта ўйин дисквалификацияси белгиланиши мумкин.
25-дақиқада Колумбия терма жамоаси ҳимоячиси Йерсон Москера ҳисобни очди. 48-дақиқада Аргентинанинг жавоб голини ҳужумчи Николас Гонсалес киритди. Мезбонларга ғалабани ярим ҳимоячи Хамес Родригес олиб келди ва у 60-дақиқада пенальтини голга айлантирди.
