"Манчестер Сити" ярим ҳимоячиси Родри "Олтин тўп" ҳақидаги фикрлари билан ўртоқлашди.
28 ёшли испаниялик футболчи "Реал"дан Винисиус Жуниор билан бирга индивидуал соврин учун асосий даъвогарлардан бири ҳисобланади.
Ғолиб номи 28 октябрь куни эълон қилинади.
"Одамлар кўчада олдимга келиб: "Олтин тўп"ни қўлга киритасан, сен бунга лойиқсан", дейишади. Мен учун бу аллақачон ғалабани англатади.
Одамлар мени дунёнинг энг яхши футболчиси бўлишимга ишонишади. Бундай нарсаларни айтиш ақл бовар қилмайди.
Мен бу ҳақда хаёлимга ҳам келтирмагандим", - дея ўтган ёзда Испания терма жамоаси таркибида Европа чемпионлигини қўлга киритган Родрининг сўзларини келтиради журналист Марк Огден.
