"Манчестер Юнайтед" бош мураббийи Эрик тен Хаг ҳужумчи Маркус Рэшфорднинг аҳволи ҳақида гапирди.
Эслатиб ўтамиз, Англия Премьер-лигасининг дастлабки уч турида форвард бирорта ҳам самарали ҳаракатни амалга ошира олмаганди.
"У яхши ҳолатда, лекин унга гол ёки голли узатма керак. "Ливерпуль" билан сўнгги ўйинда у жуда яхши хизматлари билан ёдда қолди. Тўғри вақт келади, биз бу турткини кутамиз, кейин Рэшфорд очилиб кетади", - деди Тен Хаг "Саутгемптон" билан ўйин олдидан ўтказилган матбуот анжуманида.
Рэшфорд Англия чемпионатининг 4-туридан ўрин олган "Саутгемптон"га қарши сафар ўйинини асосий таркибда бошлади.
