«Челси» бош мураббийи Энцо Мареска келаси ёзда жамоага келиб қўшиладиган «Палмейрас» футболчиси Эстевао Виллиан ҳақида фикр билдирди.

«Ҳа, биз уни кузатяпмиз. У ажойиб натижаларни кўрсатмоқда, лекин афсуски, у ерда, бу ерда эмас. Биз унинг бу ерга келишини кейинги ёзгача кутамиз, лекин, албатта, биз унинг қилаётган ишларидан жуда мамнунмиз», - деди Мареска.

17 ёшли футболчи Бразилия чемпионати жорий мавсумида 22 та ўйинда 9 та гол уриб, 7 та ассист берди. «Аристократлар» уни 34 миллион еврога сотиб олган.