"Реал Мадрид"нинг собиқ футболчиси Гути "Олтин тўп" учун кимга овоз бериши ҳақидаги саволга жавоб берди.
"Агар мавсумнинг биринчи ярми ҳақида гапирадиган бўлсак, мен совринни Беллингемга берган бўлардим.
Мавсумнинг иккинчи ярми ҳақида гапирадиган бўлсак, мукофотни Винисиусга берган бўлардим. Агар тўлиқ мавсум ҳақида гапирадиган бўлсак, мен совринни Карвахалга берган бўлардим.
У бутун мавсум давомида, жумладан, Испания терма жамоасида ҳам яхши ўйнади. Ҳозир “Олтин тўп”ни қўлга киритиши мумкин бўлган тўрт-беш нафар футболчи бор.
Бу янада қизиқарли бўлади. Илгари бу фақат Месси ёки Криштиану учун аталган эди", - дея Гутининг сўзларини келтиради AS.
