Лондоннинг "Арсенал" клуби бош мураббийи Микель Артета Пеп Гвардиоланинг "Аталанта" ҳақидаги машҳур гапига қўшилди. 2019 йилда "Манчестер Сити" устози "Аталанта" билан учрашувларни тиш шифокорига бориш билан солиштирганди.
Август ойида бу иборани Карло Анчелотти эслади, унинг "Реал Мадрид" клуби УЕФА Суперкубогида Бергамоликларни бироз қийинчилик билан мағлуб этди. Артета бошчилигидаги "Арсенал" Чемпионлар лигаси умумий босқичининг биринчи тур учрашувида Жан Пьеро Гасперинининг жамоасини мағлуб эта олмади - 0:0.
«Тўғри, "Аталанта"га қарши ўйнаш осон эмас. Техник жиҳатдан ўз даражангизни кўрсатмасангиз, ишлар янада қийинлашади.
"Тоттенхэм" билан охирги ўйинда ҳам тўпни яхши назорат қила олмадик. Биз кўп жиҳатлар устида ишлашимиз керак», - дея Артетадан иқтибос келтиради Football Italia.
