Халқаро футбол федерацияси (ФИФА) 2025 йилги футбол бўйича клублар ўртасидаги жаҳон чемпионатини трансляция қилиш бўйича ҳеч қандай телерадиокомпания билан шартнома тузмаган, деб ёзади "The Athletic".
Хабар қилинишича, ФИФА президенти Жанни Инфантино 20 сентябрь, жума куни турли телекомпаниялар билан 2025 йилги клублар ўртасидаги жаҳон чемпионатига қизиқишни ошириш масаласини муҳокама қилиш учун фавқулодда йиғилиш ўтказган.
Эслатиб ўтамиз, 2025 йилги клублар ўртасидаги жаҳон чемпионати 15 июндан 13 июлгача бўлиб ўтади. Унда олти қитъанинг 32 жамоаси иштирок этади.
