Англия футболида бешинчи тур ўйинлари бўлиб ўтмоқда. "Саутгемптон" ўтган мавсумда Премьер-лигага йўл олган "Ипсвич" билан ўйин ўтказди - аммо рақибини мағлуб эта олмади. Учрашувдан сўнг "авлиёлар" устози Расселл Мартин учрашув натижаларидан ҳафсаласи пир бўлганини яширмади.
"Мени жуда жаҳлим чиқди. Ўйлайманки, футболчилар ҳам ўзларини худди шундай ҳис қилишмоқда. Тажриба йўқлиги ва кичик деталларга эътиборсизлик туфайли жавоб голини ўтказиб юбордик. Машғулотларда йўл қўймаган хатоларга йўл қўйдик. Бироқ, ўйин бизга кўп яхши нарсаларни ҳам берди", - дея Мартин сўзларини келтиради BBC Sport.
Кейинги турда "Саутгемптон" "Борнмут"га қарши баҳс олиб боради.
