Роберт Левандовски, Рафинья Диас ва Ламин Ямал "Барселона"ни навбатдаги ғалабага етаклади.

Польяк ва бразилиялик "Вильярреал" билан учрашувда (5:1) дубль қайд этган бўлса, испаниялик вундеркинд голли узатмани амалга оширди. Айнан мана шу трио Европанинг бешта етакчи лигаларидаги энг сермаҳсул ҳужум триолари рўйхатини бошқариб турибди – Ла Лигада жами 14 та гол. Левандовски олти марта, Рафинья беш марта, Ямал уч марта гол уришга муваффақ бўлди.

Энг яхши триолар рейтингида иккинчи ўринни "Бавария"дан Харри Кейн, Жамол Мусиала ва Майкл Олисе эгаллаб турибди - уларда 11 та гол бор (5+3+3). Кейинги ўринларда "ПСЖ"дан Усмон Дембеле, Брэдли Барколя ва Рандалл Коло-Муани - 10 (4+4+2).