Кейлор Навас "Барселона"га ўтмоқчи. Аввалроқ Каталония жамоаси дарвозабони Марк-Андре тер Штеген жароҳати сабаб мавсумнинг қолган қисмини ўтказиб юбориши маълум бўлганди.
37 ёшли Навас, агар имконият бўлса, германиялик дарвозабонни алмаштириш учун хурсанд бўлиб, "Барса" сафига қўшилишга рози, деб ёзади Mundo Deportivo.
"ПСЖ"ни эркин агент сифатида тарк этган коста-рикалик футболчи ўйнашни истамоқда ва таклифларни тинглашга тайёр.
Мавсум оралиғида "Реал"нинг собиқ футболчиси якка тартибда шуғулланган.
Қайд этилишича, агар “Барселона” у билан боғланишга қарор қилса, футболчининг маоши масаласи “муаммога айланмайди”.
Кейлорни агент Хорхе Мендес ҳимоя қилади, у клуб билан яхши муносабатда.
