Англиянинг “Ливерпуль” клуби “Реал Сосьедад” ярим ҳимоячиси Мартин Субименди билан қизиқмоқда. Журналист Фабрицио Романонинг хабарига кўра, мерсисайдликлар январь ойида ярим ҳимоячининг трансферини амалга оширишга ҳаракат қилишлари мумкин.
"Ливерпуль" Субимендини ёзги трансфер ойнасида қўлга киритиши мумкин эди, аммо ярим ҳимоячи сўнгги дақиқада "Реал Сосьедад"да қолишга ва клуб билан янги шартнома имзолашга қарор қилди.
Аввалроқ, 25 ёшли Субименди "Реал Сосьедад"да қолиш қароридан афсусда эканлиги ҳақида хабар берилганди. Футболчи "Ливерпуль" январда унинг учун қайтиб келиши ва трансферни амалга оширишига умид қилмоқда.
