Angliyaning “Liverpul” klubi “Real Sosyedad” yarim himoyachisi Martin Subimendi bilan qiziqmoqda. Jurnalist Fabrisio Romanoning xabariga ko‘ra, mersisaydliklar yanvar oyida yarim himoyachining transferini amalga oshirishga harakat qilishlari mumkin.
"Liverpul" Subimendini yozgi transfer oynasida qo‘lga kiritishi mumkin edi, ammo yarim himoyachi so‘nggi daqiqada "Real Sosyedad"da qolishga va klub bilan yangi shartnoma imzolashga qaror qildi.
Avvalroq, 25 yoshli Subimendi "Real Sosyedad"da qolish qaroridan afsusda ekanligi haqida xabar berilgandi. Futbolchi "Liverpul" yanvarda uning uchun qaytib kelishi va transferni amalga oshirishiga umid qilmoqda.
