"Манчестер Сити" бош мураббийи Пеп Гвардиола ярим ҳимоячи Матеус Нунесга юқори баҳо берди.
Португалиялик футболчи мавсумдаги илк асосий таркибдаги ўйинини Лига кубоги доирасидаги "Уотфорд"га қарши баҳсда бошлади. Учрашув 2:1 ҳисобида манчестерликларнинг ғалабаси билан якунланди ва Нунес ғалаба тўпини киритди.
"У камдан-кам ўйинчиларга эга бўлган ўзига хос хусусиятга эга. Мен у учун хурсандман, голидан хурсандман. Унинг ҳали қиладиган ишлари бор, мослашиш осон эмас, лекин мен у учун жуда хурсандман. Матеус ажойиб йигит ва зўр йигитлар ҳар доим энг яхшисига лойиқ", - дейди Гвардиола.
