"Милан" Италия чемпионатининг 5-тур учрашувида "Интер"ни мағлуб этди ва бу клубнинг собиқ устози Фабио Капеллони жуда хурсанд қилди.
Катта интервюда у сўнгги ўйиннинг барча жиҳатларини батафсил таҳлил қилди. У, шунингдек, рақибларининг аҳволи, хусусан, Лаутаро Мартинеснинг муаммолари ҳақида гапирди. "Интер"нинг аргентиналик ҳужумчиси мавсум бошидан бери гол ура олмаяпти.
"Назаримда, у ҳали жисмоний ҳолатига эришмагандек. Ўтган мавсум узоқ ва зерикарли бўлди, у таътилдан бошқаларга қараганда кечроқ қайтди ва ҳозир ҳам улардан орқада. Лекин у гол урадими ёки йўқми, барибир ишлаши керак", - дея Капелло сўзларини келтирмоқда pianetamilan.it.
Италия чемпионатининг навбатдаги турида “Милан” “Лечче”га қарши баҳс олиб боради.
