"Манчестер Юнайтед" янги стадионида бокс мусобақаларини ўтказишни режалаштирмоқда.
Аввалроқ манкунианликлар 2 млрд фунт стерлингга 100 000 томошабинга мўлжалланган янги арена қуриш имкониятини кўриб чиқаётгани малум бўлганди.
Daily Mail хабарига кўра, клуб "Уэмбли" билан катта бокс баҳсларига мезбонлик қилиш учун курашмоқчи. Ўтган ҳафтада Энтони Жошуанинг Даниэл Дюбуа билан жанги учун пойтахт аренасига 96 минг киши ташриф буюрди.
"Манчестер Юнайтед" янги стадион 110 минг томошабинни сиғдира олишига ишонч билдирмоқда ва бу факт шаҳарнинг Буюк Британиянинг бокс пойтахтига айланишига ёрдам беради.
Қайд этилишича, 1993 йилнинг октябрь ойидан буён "Олд Траффорд"да бирорта ҳам жанг ўтказилмаган.
