"Ан-Наср" ва Португалия терма жамоаси ҳужумчиси Криштиану Роналдунинг рафиқаси Жоржина Родригес турмуш ўртоғининг "Манчестер Юнайтед"дан Саудия Арабистони жамоасига ўтганига муносабати қандай бўлгани ҳақида гапирди.
"Криштиану менга "Ан-Наср"да ўйнашини айтганида, мен жуда хотиржам бўлдим. Чунки мен Манчестердан кетишни жуда хоҳлардим", - дея Родригес сўзларини келтирмоқда Marca.com
2023 йилнинг январидан буён португалиялик футболчи Саудия Арабистонининг “Ан-Наср” клубида тўп тепмоқда. Бу даврда у барча турнирларда 70 та учрашувда қатнашиб, 63 та гол ва 17 та голли узатмани амалга оширган.
