Войцех Шесни "Барселона" сафида Чемпионлар лигасида иштирок этиши мумкин.
Аввалроқ “Ювентус”да ўйнаган 34 ёшли польшалик футболчи фаолиятини давом эттиришга ва Каталония клубига ўтишга рози бўлганди.
У "Барса" билан эркин агент сифатида бир йиллик шартнома имзолайди ва жароҳат олган Марк-Андре тер Штегенни алмаштириши керак бўлади, у 7 ойдан 9 ойгача майдонга туша олмайди. Войцехнинг маоши солиқларсиз йилига 3 миллион еврони ташкил қилади.
Marca нашрининг УEФА регламентига таяниб хабар беришича, “Барселона” Шеснини Чемпионлар лигаси учун қайдномага кирита олади. Бунга ариза топшириш муддати анча ўтиб кетгани тўсқинлик қилмайди.
Гап шундаки, "кўк-анорранглилар" қадномасига бор-йўғи иккита дарвозабон - Тер Штеген ва Иньяки Пена киритилган.
Қоидаларга кўра, асосий рўйхатдаги учта дарвозабондан иккитаси оғир жароҳат олган ёки узоқ муддатга касаллик (30 кундан ортиқ) туфайли майдонга тушмаган бўлса, клуб Б жамоадан футболчи олиш ҳуқуқига эга.
